Prestebolsgods

Prestebolsgods eller mensalgods (av latin mensa, bord): Gods som prestebolet eller -embetet hadde inntekta av (landskyld, og førstebygsel og tredjeårstake, når prestebolet åtte mest i garden). Ved reformasjonen var det omlag 10 % av jordegodset i Noreg. Kring 1800 vart omlag 250 prestebolsgardar tekne til sete for sivile og militære embetsmenn, som skulle svare jordleige til vedkomande prest. Godset vart selt frå 1821 av, det meste før 1850. Presten fekk likevel jordavgift, som frå 1848 av kunne avløysast med ein eingongssum.