Sigurd Olav Thorsen
| Utmerkelser
|
Sigurd Olav Thorsen (fødd 7. januar 1912, død 12. september 1945)[1] var staff sergeant i den amerikanske hæren under andre verdskrigen.[1]
Krigstjeneste
Thorsen vart innrullert i den amerikansk hæren ved Fort Jay i New York 28. september 1942 og forplikta seg for varigheita av krigen pluss 6 månadar.[2]
Han melde seg vidare til teneste i Bataljon 99 (474 Infantry regiment) ved Fort Snelling i Minnesota. 17. desember reiste dei vidare og kom til Camp Hale i Colorado 19. desember for å starta vintertrening.[3][4]
Bataljonen forlot Camp Hale 24. august 1943 og ankom Skottland i midten av september.[5] Etter opphald på ulike baser i Storbritannia borda bataljonen 17. juni 1944 S/S John Henry og vart sendt til Normandie. Dårleg ver gjorde at dei først vart sett i land 22. juni.[6]
Bataljonen vart nytta i kampane fram til freden og vart tildelt deltakermedaljen for fira kampanjar i Nord-Europa.[7]
Thorsen vart for innsatsen ved frontlinja 4. oktober 1944 tildelt Combat infantryman badge.[3]
Battaljon 99 var ein av dei allierte styrkane som vart sett inn i Noreg etter frigjeringa. Dei ankom Oslo 4. juni og var del av æresvakta ved kong Haakon sin retur til Noreg.[8]
Thorsen omkom i ei bilulykke ved Nesbyen 12. september 1945.[1]
Referanser
- ↑ 1,0 1,1 1,2 Department of the Army, Individual Deceased Personnel File – Sigurd O. Thorsen – 32514130
- ↑ Sigurd O. Thorsen, aad.archives.gov, vitja 11. mars 2020.
- ↑ 3,0 3,1 Erik Brun i brev til Sigmund Mongstad Hope 21. oktober 2019
- ↑ Gerd Nyquist: Bataljon 99, H. Aschehoug & Co. Oslo (1981) s. 49–56.
- ↑ Gerd Nyquist: Bataljon 99, H. Aschehoug & Co. Oslo (1981) s. 79-80.
- ↑ Gerd Nyquist: Bataljon 99, H. Aschehoug & Co. Oslo (1981) s. 97–98.
- ↑ Gerd Nyquist: Bataljon 99, H. Aschehoug & Co. Oslo (1981) s. 214.
- ↑ Gerd Nyquist: Bataljon 99, H. Aschehoug & Co. Oslo (1981) s. 179–181.