Usjakovmedaljen
Usjakovmedaljen (Медаль Ушакова) er ein russisk medalje for heltedåd under maritime operasjoner.
Historie
Usjakovmedaljen vart først oppretta av Sovjetunionen 3. mars 1944.[1] Utmerkinga har fått namn etter den russiske admiralen Fjodor Usjakov.
Medaljen skulle tildelast soldatar og underoffiserar i den sovjetiske marinen for tapper stridsinnsats.[2] Offiserer kunne for tilsvarende innsats tildeles Usjakovordenen.[3]
Det vart tildelt omlag 15 000 medaljar for innsats under andre verdskrig.[2]
Medaljen vart i 1994 tatt opp att av Den russiske føderasjon.[4] Statuttane er seinare revidert i 1999 og 2010.[5][6]
Utforming
Medaljen er 36 mm i diameter og laga av sølv. Adversen viser byste av admiral Usjakov med dei to orda АДМИРАЛ ✯ УШАКОВ (ADMIRAL ✯ USHAKOV) over portrettet. Reversen er prega av eit anker som stikker utanfor den sirkulære medaljen. Baksida viser og serienummeret til medaljen.[7]
Medaljebåndet er lyseblått med kvit og mørk blå kantstriper. Båndet er og karakteristisk med at ein kjetting henger foran bandet.[7]
Norske mottakarar
Medaljen vart i 2016 tildelt dei norske krigsveteranane Leif Baumann, Ingvald Wahl, Trygve Laheim og Henrik O. Mongstad.[8]
Medaljen vart i 2020 tildelt Trygve Hansen for hans deltaking i dei arktiske konvoiane under den andre verdskrigen.[9]
Referanser
- ↑ Decree of the Presidium of the Supreme Soviet of the USSR of March 3, 1944
- ↑ 2,0 2,1 John D. Clarke: Gallantry Medals and Decorations of the World, Barnsley: Leo Cooper, 2001, s. 209–210.
- ↑ Alec A. Purves: The Medals, Decorations & Orders of the Second World War II 1939-1945, London: Savannah, 2004, s. 127.
- ↑ Decree of the President of the Russian Federation of March 2, 1994 No 442
- ↑ Decree of the President of the Russian Federation of January 6, 1999 No 19
- ↑ Decree of the President of the Russian Federation of September 7, 2010 No 1099
- ↑ 7,0 7,1 Statute of the Medal of Ushakov, Commission under the President of the Russian Federation on state awards. 7. september 2010
- ↑ Presidentdekret av 29. januar 2016 (nr. 29).
- ↑ Presidentdekret av 21. august 2020 (nr. 520).