Henrik O. Mongstad

Henrik O. Mongstad.

Foto: Vigdis Hjertaker Hope

Henrik O. Mongstad (fødd 4. januar 1920 på Mongstad, død 14. februar 2020 på Stord) var ein norsk etteretningsagent under andre verdskrig.

Krigsteneste

Ved krigsutbrottet arbeida Mongstad på Austlandet. Han kom våren 1941 med i ei motstandsgruppe på Sørum. Gruppa mangla utstyr, så ein skulle hamstra haldbar mat og gjera seg klar for å motta opplæring. Mongstad nytta eldste broren si flukt til Storbritannia som påskudd for å returnera heim til Mongstad jula 1941.

Våren 1942 fekk Mongstad rolle som kontaktmann med tanke på alliert invasjon og gjekk i gang med å kartleggje området.

Sommaren 1944 fekk Mongstad kontakt med Secret Intelligence Service (SIS) sin radiostasjon Risor og var med og etablera stasjonen på Selsøy i Austrheim. Resten av krigen var han knytt til stasjonen og dei to etterfølgjande stasjonane Pommac og Sissel.

Som ein del av tenesta var Mongstad involvert i evakuering av flyktningar. Både SIS kontaktar frå Rogaland og BAR (Bergen Anlegg Reportasje) vart evakuert via stasjonane.

Fredstid

Etter krigen var Mongstad vaktmester og handverkslærer.

Han gjorde i ei årrekkje teneste som offiser i Heimevernet og var mellom anna pionersjef.

Utmerkingar

For krigsdeltakinga vart Mongstad tildelt Deltagermedaljen.

For innsats for forsvarssaka og krigshistoria i Nordhordland vart Mongstad i 2019 tildelt Forsvarsmedaljen.

	For i krig og fred å ha lagt ned et stort arbeid for forsvaret av Norge.
– Utdrag frå diplomet til Forsvarsmedaljen.

For krigsinnsatsen heidra Russland i 2016 Mongstad med Usjakovmedaljen.

	For personleg mot og tapperheit under andre verdskrig.
– Utdrag frå presidentdekret for tildeling av Usjakovmedaljen.

Russland har og heidra Mongstad med Jubileumsmedaljen i anledning av 60-året for seieren i Den store fedrelandskrigen 1941–1945, Jubileumsmedaljen i anledning av 65-året for seieren i Den store fedrelandskrigen 1941–1945 og Jubileumsmedaljen i anledning av 70-året for seieren i Den store fedrelandskrigen 1941–1945.

Mongstad vart i 2015 tildelt Regjeringa sin minnemedalje for innsats under andre verdskrig.

Utmerkelser Deltagermedaljen Forsvarsmedaljen Usjakovmedaljen Jubileums- medaljen i anledning av 60-året for seieren i Den store fedrelandskrigen 1941–1945 Jubileums- medaljen i anledning av 65-året for seieren i Den store fedrelandskrigen 1941–1945 Jubileums- medaljen i anledning av 70-året for seieren i Den store fedrelandskrigen 1941–1945

Bibliografi

• Krigsminne, Historia Scripta (2013) ISBN 978-82-999385-0-1
• Mongstad - bygda som var, Historia Scripta (2016) ISBN 978-82-999385-1-8 (medforfatter)