Møte om DNA i ættegransking på Jutulheimen

Gudbrandsdalen er kjend for å ha eit rikhaldig kjeldemateriale for ættegransking.

Noko av dette er utnytta før av granskarar som Ivar Kleiven og Engebret Hougen, men det er framleis mogeleg å oppdaga nye samanhengar.

No representerer DNA-testing eit nytt verkty for ættegranskarane, og gamle ætter i Gudbrandsdalen kan koma i eit nytt ljos.

Kjem farslina di frå Gudbrandsdalen? Då har du eit unikt høve til å få testa DNA-et i ætta di – heilt gratis – denne kvelden.

Norsk slektshistorisk forening spanderer ein test på alle som kan visa til at dei ættar frå dalen i mannslina. Saman kan me kartleggja nye, gamle ættesamanhengar!

Det vert føredrag av Klaus Johan Myrvoll, Rune Nedrud og Frode Myrheim,

som vil syna koss DNA kan brukast i ættegransking til å etterprøva gamle sanningar.

Det vil vera eit serskilt fokus på kjende ætter frå dalen, som Munk, List og Sandbu-Harildstad.

Møtet er ope for alle interesserte.

Har du eller en du kjenner en farslinje fra Gudbrandsdalen, men ikke kan komme. Så kan du gjerne ta kontakt med oss, så kan vi vurdere om også din linje kan tas med i prosjektet.

NB! Y-DNA kan kun testes av menn og sporer farslinjer (farfars far etc.)

Arrangørar: Norsk slektshistorisk forening, Gudbrandsdal slektshistorielag og Vågå historielag